2014 წლის ივლისში ქვეყანაში შემოსული ფულადი გზავნილების ნაკადების მოცულობამ 136.9 მლნ აშშ დოლარი, ანუ 241.0 მლნ ლარი შეადგინა, რაც 0.5 მლნ აშშ დოლარით (0.9 მლნ ლარით), ანუ 0.4 პროცენტით მეტია 2013 წლის ივლისის ანალოგიურ მაჩვენებელზე.
სებ-ის ინფორმაციით, უცხოეთიდან საქართველოში ფულადი გზავნილების 93.2 პროცენტი იმ 12 უმსხვილეს დონორ ქვეყანაზე მოდის, საიდანაც ასეთი გზავნილების მოცულობამ ივლისში 1.5 მლნ აშშ დოლარს გადააჭარბა. იმავე 12 ქვეყანაზე გასული წლის ივლისში მთელი ფულადი გზავნილების 93.7 პროცენტი მოდიოდა.
საქართველოსთან მიმართებაში ფულადი გზავნილების მხრივ ლიდერ პოზიციაზე რუსეთია, რომელზეც ივლისში განხორციელებული ფულადი გზავნილების 53 %-ი მოდია. შემდგომ ლიდერ პოზიციაზე საბერძნეთია 13.6 %-ით.
2014 წლის ივლისში საქართველოდან საზღვარგარეთ 15.2 მლნ აშშ დოლარი (26.7 მლნ ლარი) გადაიგზავნა, ნაცვლად 13.7 მლნ აშშ დოლარისა (22.7 მლნ ლარისა) გასული წლის ივლისში.