შეიძლება არასამთავრობოები ივანიშვილსა და ჟურნალისტებს შორის შეხვედრის მსგავსი შოუსთვის გამოიყენონ, - აცხადებს გაზეთ "პრემიერისთვის" მიცემულ ინტერვიუში უფლებადამცველი ლია მუხაშავრია. მისი თქმით, არ ვფიქრობ, რომ ასეთი პირისპირ შეხვედრა რაიმე კარგ შედეგს გამოიღებს.
"თუ მთავრობა, ან ოპონენტი მხარე ასეთ კომენტარებს აკეთებს და შეხვედრას მერე აპირებს, სულაც არ ნიშნავს, რომ ეს არის კეთილგანწყობილი შეხვედრა, რათა ერთმანეთის პოზიციები, დასკვნები მოისმინონ და გაიზიაროს ისინი. თუ ემსგავსება იმას, რომ ხელისუფლება პროკურორებით, რეპრესიული მანქანით აპირებს, უთხრას არასამთავრობოებს, აჰა, ბიჭებო, ახლა შემიძლია კისერი მოგიგრიხოთ მწარე სიმართლის გამო, ეს იქნება ძალიან სასაცილო ფარსი. მე არ ვფიქრობ, რომ ამ შეხვედრაზე მიწვეული იქნებიან ისინი, ვინც ობიექტურ, სერიოზულ კრიტიკას ახდენენ და ამ პროცესს გააგრძელებენ. ის წაკბენები, რაც ბიძინა ივანიშვილსა და ჟურნალისტებს შორის შეხვედრას ახასიათებდა... მსგავსი შოუს დასადგმელად შეიძლება გამოიყენონ არასამთავრობო ორგანიზაციები, რადგან იმ ფარსმა თავისი როლი შეასრულა და ამოწურა. ხელისუფლებას ამის გაკეთება ისედაც შეუძლია, `საკუთარ სახლში~ რომ არ დაგვიძახონ და იქ `სქელკისერა ბიჭები~ არ დაგვახვედრონ, რომლებიც ბრიალა თვალებით გვამცნობენ, რომ ზედმეტის თქმა არ გავბედოთ", - აცხადებს მუხაშავრია.
