ყოფილი პრეზიდენტის მიხეილ სააკაშვილის, განცხადებით, სოდის ყოფილმა ხელმძღვანელმა ირაკლი კოდუამ გმირობა ჩაიდინა, როცა ყოფილი ბიზნესმენის პატარკაციშვილის სახელმწიფო გადატრიალების გეგმა ჩაიწერა.
,,ერეკლე კოდუამ ბადრი პატარკაციშვილის სახელმწიფო გადატრიალების გეგმა ჩაწერა და მაშინ მან ნამდვილი გმირობა ჩაიდინა, რადგან ეს სიცოცხლის რისკის ფასად გააკეთა. მისთვის ჩამწერი მოწყობილობა რომ აღმოეჩინათ, იქვე გაასაღებდნენ ისე, რომ გზა-კვალს ვერ ვიპოვიდით. ჩვეულებრივ ბანდიტების ბუდეში შევიდა და სახელმწიფო გადაარჩინა რუსული გეგმის განხორციელებისგან", _განაცხადა სააკაშვილმა ,,რუსთავი-2"-თან საუბარში.
შეგახსენებთ, რომ სოდის ყოფილი უფროსის ერეკლე კოდუას განცხადებით, ყოფილი ბიზნესმენი ბადრი პატარკაციშვილის სახელმწიფო გადატრიალებას ამზადებდა. როგორც რუსთავი-2"-თან ინტერვიუში ერეკლე კოდუამ განაცხადა დრი პატარკაციშვილმა მას ოთხი ადამიანის ლიკვიდაცია შეუკვეთა, ერთ-ერთი მათგანი კი ყოფილი სახელმწიფო მინისტრი და კინორეჟისორი გოგა ხაინდრავა იყო, რაც შემდეგ ხელისუფლებას დაბრალდებოდა.
