აშშ-ს კონგრესის სენატმა ჯონ ტეფტის კანდიდატურა რუსეთში აშშ-ს ელჩის თანამდებობაზე დაამტკიცა. ინფორმაციას ამის შესახებ „ასოშიეიტედ პრესი" ავრცელებს.
ტეფტის კანდიდატურას მხარი დაუჭირეს როგორც რესპუბლიკელმა ასევე დემოკრატმა სენატორებმა. ამასთან ერთად, სენატის აგარეო ურთიერთობათა კომიტეტის წევრმა რობერტ მენედესმა აღნიშნა, რომ მეტი ლოდინი რუსეთში აშშ-ს ელჩის დანიშვნასთან დაკავშირებით „შეუძლებელი იყო".
ტეფტის კანდიდატურა ამ თანამდებობაზე აშშ-ს პრეზიდენტმა ბარაკ ობამამ წარადგინა. ადრე ის უკვე მუშაობდა აშშ-ს საელჩოში მოსკოვში და ასევე იყო აშშ -ს ელჩი ლიტვაში, საქართველოში და უკრაინაში.
