განათლებისა და მეცნიერების მინისტრი თამარ სანიკიძე ამერიკელი სენატორების განცხადებას ეხმიანება და აცხადებს, რომ ყოფილი პრეზიდენტის მიხეილ სააკაშვილის წინააღმდეგ ბრალდებები სერიოზულია, შესაბამისად საერთაშორისო პარტნიორი წინააღმდეგი არ უნდა იყვნენ, რომ ვინც დანაშაული ჩაიდინა იყვნენ შესაბამისად დასაჯონ.
,,ვფიქრობ, რომ ბრალდებები არის ძალიან სერიოზული და ყველას ინტერესებში უნდა შედიოდეს, რომ ეს იქნას გამოძიებული და დადასტურებული. ხოლო მას შემდეგ, რაც ეს დადასტურდება, არა მგონია, რომ რომელიმე ჩვენი საერთაშორისო პარტნიორი იყოს წინააღმდეგი იმისა, რომ ის ხალხი, ვინც დანაშაული ჩაიდინა იყვნენ შესაბამისად დასჯილები", - განაცხადა სანიკიძემ.
ამერიკელი სენატორები შეშფოთებას გამოთქვამენ ყოფილი პრეზიდენტის მიხეილ სააკაშვილისა და ყოფილი მაღალჩინოსნების წინააღმდეგ წაყენებული ბრალდებების გამო. როგორც სენატორების ჯონ მაკკეინის, ბენ კარდინის, ჯინ შაჰინის და ჯიმ რიშის განცხადებაშია აღნიშნული მართლმსაჯულების აღსრულება არ უნდა გახდეს პოლიტიკური შურისძიების იარაღი.
