არასამთავრობო ორგანიზაცია „სამართლიანი არჩევნებისთვის" აღმასრულებელი დირექტორის ნინო ლომჯარია მიიჩნევს, რომ პროკურატურა, თუ ყოფილ პრეზიდენტ მიხეილ სააკაშვილთან დაკავშირებით, დამაჯერებელ მტკიცებულებებს არ წარმოადგენს, ეს ქვეყნის საერთაშორისო იმიჯისთვის სახიფათო იქნება.
„იმ შემთხვევაში თუ პროკურატურამ დამაჯერებელი მტკიცებულებები არ წარმოადგინა, რომელიც დაადასტურებს სააკაშვილის მონაწილეობას უკანონო ქმედებებში, ეს ქვეყნის საერთაშორისო იმიჯისთვის სახიფათო იქნება" - განაცხადა ლომჯარიამ ჟურნალისტებთან.
შეგახსენებთ, რომ საქართველოს ექსპრეზიდენტ მიხეილ სააკაშვილს ბრალი ოფიციალურად წარუდგინეს. ბრალის დადგენილება სააკაშვილის ადვოკატმა ოთარ კახიძემ პროკურაურაში ჩაიბარა, თუმცა საქმის მასალები ჯერ არ გადასცემია.
გუშინ პროკურატურამ ყოფილი პრეზიდენტი მიხელ სააკაშვილი სისხლის სამართლის პასუხისგებაში მისცა. როგორც საგამოძიებო უწყებაში განმარტავენ საქმე ეხება 2007 წლის 07 ნოემბერს, მომიტინგეთა მასობრივად დარბევას, ტელეკომპანია იმედში შეჭრას და არკადი პატარკაციშვილის კუთვნილი ქონების დანაშაულებრივად ხელში ჩაგდებას.
