პარლამენტის ვიცე-სპიკერი მანანა კობახიძე ამერიკელი სენატორების განცხადებას ეხმიანება და აცხადებს, რომ აუცილებელია საქართველოს პარტნიორებისთვის კარგად იქნას ახსნილი, რომ ქვეყანაში პოლიტიკურ დევნას ადგილი არ აქვს.
,, რაც მოხდა სამწუხაროა, მაგრამ კიდევ უფრო საფრთხის შემცველი იქნებოდა, რომ მსოფლიოში თავისუფლად გადაადგილდებოდეს ადამიანი, რაღაც ავანტურას ეწეოდეს და თავს აცხადებდეს დემოკრატიისა და მშვიდობისთვის მებრძოლ ფიგურად როცა მას შეხება ჰქონია მძიმდე დანაშაულებთან. Aამიტომ ჩვენი ამოცანაა, პირველ რიგში, სწორად გავაგებინოთ და ავუხსნათ ჩვენს მეგობრებს რასთან გავქვს საქმე, რომ არავითარი კითხვის ნიშანი არ დარჩეს და რომ არანაირ პოლიტიკურ დევნას არ აქვს ადგილი", _განაცხადა კობახიძემ ჟურნალისტებთან.
ამერიკელი სენატორები შეშფოთებას გამოთქვამენ ყოფილი პრეზიდენტის მიხეილ სააკაშვილისა და ყოფილი მაღალჩინოსნების წინააღმდეგ წაყენებული ბრალდებების გამო. როგორც სენატორების ჯონ მაკკეინის, ბენ კარდინის, ჯინ შაჰინის და ჯიმ რიშის განცხადებაშია აღნიშნული "მართლმსაჯულების აღსრულება არ უნდა გახდეს პოლიტიკური შურისძიების იარაღი.
,, ჩვენ ვთხოვეთ პრემიერ ღარიბაშვილს და სხვა ქართველ ლიდერებს, კონცენტრირება მოეხდინათ ქვეყნის მომავალზე და არა წარსულზე, იმისთვის, რომ დახმარებოდნენ ქვეყანას წინსვლაში.ქართველმა ლიდერებმა კარგად უნდა იფიქრონ იმ მიმართულებაზე, საითაც ქვეყანა მიჰყავთ. დღევანდელი და სხვა მსგავსი ქმედებები იწვევს არასასურველ გამოწვევებს ჩვენი ურთიერთობის წინსვლის საკითხში"- ნათქვამია ღია წერილში.
პროკურატურის ინფორმაციით, გუშინ მთავარი პროკურატურის მიერ გამოტანილი იქნა დადგენილება საქართველოს ყოფილი პრეზიდენტის მიხეილ სააკაშვილის ბრალდებულის სახით სისხლის სამართლის პასუხისგებაში მიცემის შესახებ. საქმე ეხება 2007 წლის 07 ნოემბერს, მომიტინგეთა მასობრივად დარბევას, ტელეკომპანია "იმედში" შეჭრას და არკადი პატარკაციშვილის კუთვნილი ქონების დანაშაულებრივად ხელში ჩაგდებას.
