პარლამენტის ვიცე-სპიკერის მანანა კობახიძის განცხადებით, სამწუხაროა, რომ ექსპრეზიდენტი მიხეილ სააკაშვილის არ იცავს კანონს და არ ცხადდება დაკითხვაზე. როგორც საკითხის კომენტირებისას ჟურნალისტებთან კობახიძემ განაცხადა სააკაშვილი საქართველო არ იმყოფება, ამიტომ რთული წარმოსადეგია რამდენად შესაძლებელია მოწმის იძულებით მიყვანა განხორცილდეს.
,,ძალიან ცუდია, როცა ქვეყნის ყოფილი პირველი პირი-პრეზიდენტი უგულებელყოფს კანონის მოთხოვნას, არ ცხადდება უკვე მეორედ, მოწმის სახით დაკითხვის მიზნით. ის საქართველოში არ იმყოფება და რთული წარმოსადეგია რამდენად შეიძლება მოწმის იძულებით მიყვანა განხორცილდეს, მაგრამ პროკურატურას აქვს იმის ბერკეტები, რომ შესაბამისად თუ არსებობს მის მიმართ მტკიცებულებები განახორციელოს ყველა ის ზომა რაც სისხლის სამართლის კანონითაა დადგენილი", _განაცხადა კობახიძემ.
საქართველოს ყოფილი პრეზიდენტი მიხეილ სააკაშვილი მთავარ პროკურატურაში დაკითხვაზე არ გამოცხადდა. იგი დაკითხვაზე 11.00 საათისთვის იყო დაბარებული. ჯერჯერობით, უცნობია, რა საკითხზე უნდა დაეკითხათ ექსპრეზიდენტი. სააკაშვილი რამდენიმე თვე რაც საქართველოში არ იმყოფება. იგი მთავარ პროკურატურაში მოიწმის სახით დასაკითხად 27 მარტსაც იყო დაბარებული, თუმცა არ გამოცხადდა.
