ენერგეტიკის მინისტრის კახა კალაძის განცხადებით, ,,ნაციონალები" ისეთი გახარებულები როგორებიც გუშინ იყვნენ არ უნახავს ბოლო ორი წლის განმავლობაში. როგორც მინისტრმა უწყებაში გამართულ თათბირზე განაცხადა საქართველო ორი საათის განმავლობაში ჩაბნელებული რომ იყო ,,ნაციონალები" ამით აღფრთოვანდნენ.
,,ასეთი გახარებული ,,ნაციონალების" ბოლო ორი წელია არ მინახავს. საინტერესო იყო მათი მიდგომები იმასთან დაკავშირებით, რომ საქართველო ორი საათის განმავლობაში ჩაბნელებული იყო და ძალიან აღფრთოვანებულები იყვნენ ამ ყველაფრით, მაგრამ არა უშავრს წინ საინტერესო თვეები გველოდება. Eეს არ ნიშნავს იმას, რომ საქართველოში ელექტროენერგია თუ ორი საათით გაითიშება ,,ნაციონალური მოძრაობის" ზოგიერთ ლიდერს არ მოუწევს პასუხის გაცემა ჩადენილ დანაშაულებზე", _განაცხადა კალაძემ.
შეგახსენებთ, რომ თბილისი და ქვეყნის მნიშვნელოვანი ნაწილი გვიან ღამით ელექროენერგიის გარეშე დარჩა. ორი საათის განმავლობაში დენი არ მიეწოდებოდა სტრატეგიულ ობიექტებსაც. ამის მიზეზი, მაღალი ძაბვის 500-კილოვატიანი ელექტროგადამცემი ხაზი „იმერეთი" და 220-კილოვატიანი ელექტროგადამცემი ხაზი „კოლხიდა-2" გახდა.
ვითარების გასაცნობად, „საქართველოს ელექტროსისტემაში" იმყოფებოდა ენერგეტიკის მინისტრი. ელექტროენერგიის მიწოდების აღდგენა სარეზერვო ხაზებით მთელი ქვეყნის მასშტაბით რამდენიმე საათში დაიწყო.
