პარლამენტის თავმჯდომარე დავით უსუფაშვილი საკანონმდებლო ორგანოში მიმდინარე სესიაზე მალაიზიის ავიახაზების კუთვნილი ბოინგის ჩამოვარდნის ფაქტს გამოეხმაურა და აღნიშნა, რომ უნდა ჩატარდეს გამოძიება და დამნაშავე პირები, პოლიტიკური ძალები, თუ სახელმწიფოები სათანადოდ უნდა დაისაჯონ.
,,მინდა გამოვხატო უკიდურესი მწუხარება იმის თაობაზე რაც გუშინ მოხდა მალაიზიის ავიახაზების კუთვნილი თვითმფრინავის ჩამოგდების შედეგად. დაღუპულია 300-მდ უდანაშაულო ადამიანი და ეს ყველაფერი მოხდა მოგეხსენებათ იმ ტერიტორიაზე სადაც უკვე კარგა ხანია საომარი მოქმედებები მიმდინარეობს.სუვერენული უკრაინის ტერიტორიაზე, სადაც საომარი მოქმედებები სეპარატისტების მიერ ხორციელდება და გარე ძალების მხარდაჭერა ამ საკითხში სრულიად აშკარაა.საქართველოს პარლამენტი ერთხმად ვუერთდებით მსოფლიოს პრაქტიკულად ყველა ქვეყნის, ყველა მოქალაქის ერთსულოვან განწყობას იმის თაობაზე რომ უნდა ჩატარდეს გამოძიება და დამნაშავე პირები, პოლიტიკური ძალები, თუ სახელმწიფოები სათანადოდ უნდა დაისაჯონ", _განაცხადა უსუფაშვილმა და დაღუპულების ოჯახებს სამძიმარი გამოუცხადა.
