კოალიცია ,,ქართული ოცნების" წევრი დავით ზურაბიშვილი სოციალურ ქსელში მალაიზიის ავიახაზების კუთვნილი ბოინგ 777, რეისით ამსტერდამი-კუალა-ლუმპური ჩამოვარდნას ეხმიანება და აცხადებს, რომ მომხდარმა დასავლელი ლიდერები უნდა დაარწმუნოს მარტივ ჭეშმარიტებაში, რომ აგრესორისთვის კოჭის გორება, იქნებ და ცოტა აქეთაც გამოგვიგოროსო, არასდროს მთავრდება კარგად.
,,არ ვიცი კონკრეტულად რას გააკეთებენ დასავლეთის ლიდერები და რა ზომებს მიმართავენ, მაგრამ ჩემის მოკრძალებული აზრით, მალაიზიის სამგზავრო თვითმფრინავის ჩამოგდების ფაქტმა ბოლოს და ბოლოს უნდა დაარწმუნოს ისინი იმ მარტივ ჭეშმარიტებაში, რომ აგრესორისთვის კოჭის გორება, იქნებ და ცოტა აქეთაც გამოგვიგოროსო, არასდროს მთავრდება კარგად. პირიქით, ყოველ გაგორებულ კოჭს აგრესორი აღიქვამს სისუსტის გამოვლინებად და მერე სულ უარესს და უარესს შვრება...მერამდენედ უნდა განმეორდეს ისტორია? მგონი საკმარისია...", _აცხადებს ზურაბიშვილი.
შეგახსენებთ, რომ დონეცკის მხარეში ტერორისტებმა ავიაკომპანია Malaysia Airlines -ის Boeing 77 ჩამოაგდეს. დაღუპულია 280 მგზავრი და ეკიპაჟის 15 წევრი.
