"სამედიცინო კორპორაცია ევექსმა" ჩაქვში რეაბილიტაციის ცენტრი გახსნა. ცენტრი მოემსახურება ცერებრული დამბლით და სხვა მძიმე მოტორული პათოლოგიით დაავადებულ ბავშვებს. ცენტრში აგრეთვე ხორციელდება სკოლიოზის მქონე ბავშვთა რეაბილიტაციის პროგრამა.
ჩაქვის რეაბილიტაციის ცენტრის სამედიცინო გუნდი დაკომპლექტებულია სხვადასხვა პროფილის სპეციალისტებით, რომლებიც უზრუნველყოფენ უნარშეზღუდულობის აღმოფხვრას, ან მისი ხარისხის მაქსიმალურ შემცირებას, ასევე სოციალურ რეაბილიტაციასა და ბავშვის ფუნქციური დამოუკიდებლობის და ცხოვრების ხარისხის გაუმჯობესებას.
ჩაქვის რეაბილიტაციის ცენტრი უზრუნველყოფილია ადეკვატური ინფრასტრუქტურით, ოთახები აღჭურვილია თანამედროვე დანადგარებით.
უახლოეს მომავალში ცენტრში ამოქმედდება ბავშვთა აუტიზმისა და სხვა ქცევითი პათოლოგიების სერვისები.
