"არასაპარლამენტო ოპოზიციის" ლიდერი, "ნაციონალური მოძრაობის" საარჩევნო შტაბის ხელმძღვანელის, გიგი უგულავას დაკავებას, მეორე ტურამდე დემოკრატიულად განწობილი ხელისუფლების თვისებად არ თვლის და აცხადებს, რომ მსგავსი ქმედებების განხორციელება პროკურატურას თუ სასამართლოს 12 ივლისის შემდეგაც შეეძლო.
ამის შესახებ, ფიქრია ჩიხრაძემ "პრაიმტაიმის" პრესკლუბში განაცხადა.
„მე ვერ ვიქნები გიგი უგულავას ადვოკატი და ვერ ვიტყვი, რომ მას თანამდებობაზე ყოფნის პირობებში არცერთი დანაშაული არ ჩაუდენია, პირიქით, მგონია, რომ ბუნებაში უნდა არსებობდეს ასეთი დანაშაულები, თუმცა, მეორე ტურის წინ, არანაირი აუცილებლობა არ იყო იმის, რომ დაპატიმრებულიყო ადამიანი, რომელიც აქტიურად იყო ჩართული საარჩევნო კამპანიაში და წარმაოდგენდა შტაბის ხელმძღვანელს. ამან, ისედაც მდარდედ ჩატარებულ არჩევნებს, კიდევ უფრო ჩრდილი მიაყენა. მგონია, რომ ეს არ უნდა ყოფილიყო დემოკრატიულად განწყობილი ხელისუფლების ინტერესი. არ დაიქცეოდა ქვეყანა, თუ 12 ივლისის შემდეგ განხორციელდებოდა ის ღონისძიებები გიგი უგულავას მიმართა, რაც მანამდე ვნახეთ", - განაცხადა ფიქრია ჩიხრაძემ.