სასჯელაღსრულების მინისტრი სოზარ სუბარი ყოფილი დიპლომატის ეროსი კიწმარიშვილის საქმეს ეხმიანება და აცხადებს, რომ არანაირი ვერსია გამოძიებას არ დაუსახელებია, უბრალოდ გამოძიება უნდა დაწყებულიყო რომელიმე კონკრეტული მუხლით. როგორც მთავრობის სხდომის დაწყებამდე სუბარმა განაცხადა გამორიცხული არ არის კიწმარიშვილის საქმის გამოძიება სხვა მუხლით გადაკვალიფიცირდეს.
,,პირველ რიგში სამძიმარი მინდა ვუთხრა ეროსი კიწმარიშვილის ოჯახს, ახლობლებს. მეორე გუშინ მთელი დღე სპეკულაციები მიდიოდა, თითქოს ნაადრევად იქნა რაღაც ვერსიები გამოძიების მხრიდან ნათქვამი, არანაირი ვერსია გამოძიებას არ დაუსახელებია, უბრალოდ გამოძიება უნდა დაწყებულიყო რომელიმე კონკრეტული მუხლით და არა ზოგადად სისხლის სამართლის კოდექსით და ამ შემთხვევაში ეს მუხლი იყო თვითმკვლელობამდე მიყვანა. ხვალ, ზეგ და შეიძლება დღესვე გადაკვალიფიცირება შეიძლება მოხდეს სხვა მუხლით თუ კი შესაბამისი მტკიცებულებები იქნება, სხვა ამ ეტაპზე ვერაფერს ვიტყვი", - განაცხადა სასჯელაღსრულების მინისტრმა.
შეგახსენებთ, რომ რუსთავის მერობის ყოფილი კანდიდატი, რომელიც გუშინ საკუთარ ავტოფარეხში გარდაცვლილი იპოვეს სამედიცინო-სასამართლო ექსპერტიზა ლევან სამახარაულის სახელობის ექსპერტიზის ბიუროში უკვე ჩაუტარდა, რის შემდეგაც ის დილით საკუთარ სახლში გადაასვენეს.
