განათლებისა და მეცნიერების მინისტრის თამარ სანიკიძის განცხადებით, ყოფილი დიპლომატის ეროსი კიწმარიშვილის საქმე საფრთხილოა, ამიტომ წინასწარ საუბარი მკვლელობა იყო ეს თუ თვითმმკვლელობა ნაადრევია. როგორც მთავრობის სხდომის დაწყებამდე სანიკიძემ ჟურნალისტებთან განაცხადა გამოძიებას უნდა მიეცეს დრო, რათა სწორად მიგვიყვანოს იმ ფაქტებამდე, რომელიც ნამდვილად მოხდა.
,,მე მგონი, რომ ძალიან საფრთხილო თემაა და ასე წინასწარ საუბარი ამაზე ნამდვილად მიზანშეწონილი არ არის. Nნამდვილად ძალიან მძიმე ფაქტი მოხდა. ყველა, ვფიქრობ, რომ არის შეწუხებული, განსაკუთრებით კი ოჯახის წევრები, მაგრამ, ვფიქრობს, აუცილებელია გამოძიებას მივცეთ შესაბამისი დრო, რომ ზუსტად და სწორად მიგვიყვანოს იმ ფაქტებამდე, რომელიც ნამდვილად მოხდა. ამიტომ წინასწარ კომენტარის გაკეთება, რომ ეს იყო მკვლელობა თუ თვითმკვლელობა არის ცოტა ნაადრევი", - განაცხადა სანიკიძემ.
