დასავლელი პოლიტიკოსები იტალიას მოსკოვის წინააღმდეგ სანქციების მიღების პროცესის ხელის შეშლაში ადანაშაულებენ. ინფორმაციას ამის შესახებ „The Financial Times" ავრცელებს.
გამოცემის ინფორმაციით, მკაცრი ხაზის ძირითადი მოწინააღმდეგე გერმანიია - რუსეთის უმსხვილესი პარტნიორი ევროპაში. მაგრამ ახლა გერმანიასთან ერთად, სანქციების მიღების მეორე მოწინააღდეგე იტალიაა, რომელიც ევროკავშირში თავმჯდომარეობს.
იტალიის წარმომადგენელმა ევრპოკავშირში სტეფანო სანინომ ეს ინფორმაცია უარყო. მისი თქმით იტალიის პრემიერი მატეო რენცი აცხადებს, რომ იტალიის პოზიცია ემთხვევა გერმანიისა და საფრანგეთის პოზიციას. მათ მსგავსად იტალიაც მიიჩნევს, რომ სანქციები საჭიროა, მაგრამ ისინი თანდატანობით უნდა იქნენ შემოღებულნი.
იტალია რუსეთის ევროპაში სიდიდით მეორე პარტნიორია. „The Financial Times" წერს, რომ გასულ წელს რუსეთსა და იტალიას შორის საქონელთბრუნვამ 30 მილიარდი ევრო შეადგინა.