პრეზიდენტმა გიორგი მარგველაშვილმა საკუთააი არჩევანი მთაწმინდის ოლქში, #6 საარჩევნო უბანზე დააფიქსირა და ამომრჩეველს აქტიურობისკენ მოუწოდა.
,,ჩვენ დღეს მივეცით ხმა საქართველოში ახალი თვითმმართველობის ჩამოყალიბებას. თვითმმართველობა დემოკრატიის უმნიშვნელოვანესი ფორმაა როდესაც ხალხი რეალურად მართავს თავის ცხოვრებას ქალაქის, სოფლის, დაბის დონეზე. მინდა ამომრჩეველს აქტიურობისკენ მოუწოდო. ჩვენ საარჩევნო უბანზე მისვლით ვემსახურებით არა პოლიტიკოსებს, არამედ ვემსახურებით ჩვენს სამშობლოს, ჩვენს ქვეყანას. ჩვენ პოლიტიკოსებისთვის კი არ ვაკეთებთ არჩევანს, არამედ ჩვენ ვქირაობთ პოლიტიკოსებს, რომ ისინი გვემსახურონ. შესაბამისად მოგიწოდებთ ყველას მაქსიმალური აქტიურობისკენ", _განაცხადა პრეზიდენტმა.
