საქართველოში ევროკავშირის ელჩის ფილიპ დიმიტროვის განცხადებით, საქართველომ ევროკავშირთან ასოცირების ხელშეკრულების ხელმოწერით მნიშვნელოვანი ნაბიჯი გადადგა, თუმცა წინ საქართველოს შესასრულებელი აქვს ასოცირების ხელშეკრულების დღის წესრიგი.
,, თქვენ გაქვთ ევროკავშირთან ასოცირების დღის წესრიგი, რომლის მიხედვით, თანმიმდევრული ზომები უნდა იყოს მიღებული. ასოცირების შეთანხმება გულისხმობს, რომ ქართული ბაზარი საერთო ევროპულ ბაზარზე შევა. თუმცა მეორე მხრივ, არსებობს უამრავი საკითხი, რომელიც უნდა განხორციელდეს ამ პროცესში, მათ შორის ზოგიერთი მომავალი წლის ბოლომდე, ზოგიერთი კი შედარებით მოგვიანებით. ეს არის ეტაპობრივი პროცესია, მაგრამ საქართველო მთავარ სარგებელს აუცილებლად მიიღებს. რა თქმა უნდა, არ ვგულისხმობ, რომ ქართულ ბიზნესს საუზმეს საწოლში მიართმევენ, მაგრამ თავისუფალი სავაჭრო სივრცის ფარგლებში, საქართველო აღიჭურვება ძალიან თანამედროვე ინსტრუმენტებით. თუმცა, ამაში ბევრი ძალისხმევა უნდა ჩადოთ", - განაცხადა ფილიპ დიმიტროვმა.
