საქართველოს ყოფილი პირველი ლედი სანდრა რულოვსი ,,ტაბულასთან" ინტერვიუში იმ ცვლილებებზე საუბრობს, რომელიც მის ირგვლივ მას შემდეგ მოხდა რაც პირველი ლედის სტატუსი ჩამოერთვა. როგორც რულოვსი აცხადებს ამის შემდეგ ძალიან ბევრი მეგობარი დავკარგა.
,, არ ვიცი შეიძლება გარედან ჩანს რომ ძლიერი ვარ, მაგრამ, რა თქმა უნდა, მეც მაქვს ჩემი სუსტი წერტილები. ძალიან ბევრი მეგობარი დავკარგე. Bბევრისგან არ ველოდი, რომ იმას იტყოდნენ რაც საჯაროდ თქვეს. ბევრმა ადამიანმა მაჩვენა თავისი რეალური სახე, ზოგ შემთხვევაში თავად ჩამოიხსნეს. Aარსებობენ ისეთი ადამიანებიც რომლებიც უცებ დადუმდნენ, არც მეილი, არც ზარი, არც დღესასწაულის მილოცვა. როგორც მამაჩემმა მითხრა ისინი პირველი ლედის მეგობრები იყვნენ და არა ჩემი. Bბევრი მათგანი გაქრა. შევეგუე, მაგრამ მტკივნეულია, იმიტომ რომ მეგონა, გულწრფელი მეგობრები იყვნენ, გულწრფელად უჭერდნენ მხარს ჩემს პროექტებს, ჩემს ოჯახს და ჩვენს ამბიციებს საქართველოსთან დაკავშირებით. ზოგიერთი პოლიტიკაში სხვა მხარეს აღმოჩნდა. თუ ნამდვილი მეგობარი ხარ, ოჯახის გულწრფელი მეგობარი და პოლიტიკაში ერთვები, რატომ არ მოდიხარ და პირდაპირ არ მიზიარებ შენს შეხედულებას? Eეს უფრო სწორი არ არის, ვიდე პირდაპირ ტელევიზიით გამოჩენა და ჩემი ქმრისა და მისი ხელისუფლების დადანაშაულება? Eეს მტკივნეულია. Eეს იყო ყველაზე რთული. აქედან ვისწავლე ბევრი რამ საკუთარი თავის შესახებ_ალბათ ძალიან მიმნდობი ვიყავი, რადგან მეგონა რომ ეს ყველაფერი სანდრასღან უფრო იყო დაკავშირებული, ვიდრე პირველ ლედისთან. ასეთ ადამიანებს საქართველოში მედროვეებს ეძახიან", _განაცხადა ,,ტაბულასთან" ინტერვიუში სანდრა რულოვსმა.
