,,ნაცმოძრაობის" წევრის სერგო რატიანის განცხადებით, Gგუშინდელი დებატებიდან ნათლად გამოჩნდა, რომ თბილისის მერობის კანდიდატს დავით ნარმანიას არ აქვს უნარი უხელმძღვანელოს ქალაქს. როგორც რატიანმა საკითხის შეფასებისას განმარტა ერთადერთი რის გამოც ნარმანია კოალიცია ,,ქართული ოცნების" თბილისის მერობის კანდიდატად შეირჩაა ესაა ყოფილი პრემიერის ბიძინა ივანიშვილის კაპრიზი.
,,დებატებმა ნათლად აჩვენა თუ რატომა გაურბოდა საერთოდ ყველა დებატს. Aამ ადამიანს როგორც გამოჩნდა, არ აქვს არც ხედვა და არც უნარი უხელმძღვანელოს ქალაქს. ის შერჩეულია მხოლოდ ერთადერთი ნიშნით ეს არის ბიძინა ივანიშვილის კაპრიზი", _განაცხადა რატიანმა.
შეგახსენებთ, რომ თბილისის მერობის კანდიდატებს დავით ნარამანიასა და ნიკა მელიას შორის დებატები გუშინ ოთხ ეტაპად წარიმართა.
კანდიდატებს საარჩევნო პროგრამის წარსადგენად სამ-სამი წუთი მიეცათ, რის შემდეგ ჟურნალისტების კითხვებს უპასუხეს.
მერობის კანდიდატებს ერთმანეთისთვის კითხვის დასმის საშუალებაც ჰქონდათ, ხოლო პასუხის გასაცემად თითო-თითო წუთი.
დავით ნარმანიამ ნიკა მელიას ბუკლეტი გადასცა, რომელშიც ძველი და ახალი ხელისუფლების მიერ გაკეთებული პროგრამების შესახებ იყო საუბარი.
ნიკა მელიამ კი ოპონენტს ის სია მისცა, რომელშიც, მისი თქმით, კოალიციის მიერ შეუსრულებელი დაპირებების ჩამონათვალია.
დებატები ,,შერატონ მეტეხი პალასში" გაიმართა.
არჩევნების მეორე ტური 12 ივლისს შედგება.
