ნატოს სპეციალურმა წარმოადგენელმა კავკასიასა და ცენტრალურ აზიაში ჯეიმს აპატურაიმ საქართველოში განხორციელებული ვიზიტი შეაჯამა და აღნიშნა, რომ ის ქვეყნიდან კმაყოფილი მიდის.
,,ჩვენ კარგი იდეები გვაქვს, რომელიც დაწვრილებით განვიხილეთ პრეზიდენტთან ,პრემიერთან დას ამ მინისტრთან. ასე რომ ძალიან კმაყოფილი მივდივარ. ახლა უკვე დისკუსიები ბრიუსელში დაიწყება. ვფიქრობ, უელსის სამიტის შედეგად საქართველო სამ რამეს ნახავს: პირველი - ეს არის უფრო მეტი ნატო საქართველოში რაც ნიშნავს საქართველოსთვის უსაფრთხოების კუთხით აღმოჩენილ დახმარებას, ასევე ქვეყნის დახმარებას რათა ის გახდეს ნატოს სტანდარტების შესაბამისი, მეორე რასაც ნახავთ ეს იქნება მეტი საქართველო ნატოში, ქვეყნის მონაწილეობა ალიანსის პროგრამებში, მესამე კი ეხება კომუნიკაციის ენას. ჩვენ განვაცხადეთ, რომ საქართველო გახდება ნატოს წევრი და ამას მალე ნახავთ", _განაცხადა აპატურაიმ.
შეგახსენებთ, რომ აპატურაიმ საქართველოში ვიზიტის ფარგლებში შეხვედრები გამართა, პრეზიდენტთან, პრემიერთან, საგარეო საქმეთა, თავდაცვის მინისტრებთან ასევე ევრინტეგრაციის მინისტრთან, ოპოზიციის წარმომადგენლებთან. ვიზიტის ძირითადი მიზანი ნატო-ს უელსის სამიტისთვის მოსამზადებელი სამუშაოების განხორციელება იყო.
