საგარეო საქმეთა მინისტრი ისრაელში მიმდინარე პროცესებს ეხმიანება და აცხადებს, რომ შედეგად ამ დრომდე საქართველოს არც ერთი მოქალაქე არ დაშვებულა.
,,მუდმივ კონტაქტში ვართ ჩვენს საელჩოსთან და საკონსულოსთან. ჯერჯერობით, მადლობა ღმერთს, არაფერი ცუდი ჩვენს მოქალაქეებს არ შეხვედრიათ და შესაბამისად, არანაირი შეტყობინება არ მიგვიღია იქიდან რაიმე საშიში მდგომარეობის გამო, მაგრამ საელჩო და საკონსულო არის მუდმივი მუშაობის რეჟიმში და ყველა მოქალაქეს, ვისაც სადმე რაიმე დაბრკოლება შეექმნება, შეუძლია მიმართოს საელჩოს და საკონსულოს", _განაცხადა ჟურნალისტებთან მაია ფანჯიკიძემ.
შეგახსენებთ, რომ ისრაელში ამ დრომდე რთული ვითარებაა. 2012 წლის შემდეგ პირველად, თელ-ავივი დაიბომბა. ღაზას სექტორის მხრიდან ქვეყნის მიმართულებით უკანასკნელი 24 საათის განმავლობაში 200-ზე მეტი რაკეტა გაუშვეს.გასულ ღამესვე ისრაელის არმიამ იერიში მიიტანა ღაზის სექტორზე. დაღუპულია 30, დაშავებულია 100 ადამიანი.
