უკრაინა, რუსეთ-უკრაინის საზღვრის მთელს პერიმეტრზე დამცავ საინჟინრო ნაგებობებს ააშენებს. განცხადება ამის შესახებ უკრაინის თავდაცვისა და უშიშროების საბჭოს მდივანმა ანდრეი პარუბიმ გააკეთა.
„მიღებულია გადაწყვეტილება საზღვრის დაცვის კომპლექსური ღონისძიებების განხორციელების შესახებ.
მათ შორის არის საინჟინრო ნაგებობების აშენება ჩვენი საზღვრის გასწვრივ და დაუყოვნებლივი ზომების მიღება დივერსანტების დაზვერვისა და ნეიტრალიზაციისათვის, რომლებიც საზღვრიდან შემოდიან", -განაცხადა პარუბიიმ.
მისივე ინფორმაციით, ყოველივე ეს უმოკლეს ვადებში უნდა განხორციელდეს. პროექტი სახელმწიფო ბიუჯეტიდან დაფინანსდება.
