საის თავმჯდომარე კახა კოჟორიძე ,,ჯი-ეიჩ-ენთან" საუბარში თავდაცვის სამინისტროს დაზვერვის ყოფილი ოფიცრის პაატა ქარდავას საქმის გახსნას და შინაგან საქმეთა სამინისტროს კონსტიტუციური უსაფრთხოების დეპარტამენტის აფხაზეთის მთავარი სამმართველოს ყოფილი უფროსის რომან შამათავასთვის ბრალის დამძიმებას ეხმინება და აცხადებს, რომ შსს მიერ გავრცელებული ინფორმაცია არ იძლევა იმის საშუალებას ვისაუბროთ ბრალდების პოზიციის დასაბუთებულობაზე, ან დაუსაბუთებლობაზე.
,,გავრცელებული ინფორმაცია არ იძლევა იმის საშუალებას ვისაუბროთ ბრალდების პოზიციის დასაბუთებულობაზე, ან დაუსაბუთებლობაზე", _განაცხდაა კოჟორიძემ.
რაც შეეხება საპარლამენტო ოპოზიციის წარმომადგენლების ბარლდებებს, რომ შამათავასთვის ბრალის დამძიება პოლიტიკურად მოტივირებულია, კოჟორიძე ,,ჯი-ეიჩ-ენთან" საუბარშია აცხადებს, რომ ამის დასაზუსტებლად დეტალური ინფორმაცია და საქმის მასალებია საჭირო.
,,იმ ინფორმაციის საფუძველზე, რაც შსს საჯაროდ გაავრცელა, ვერ ვიტყვი, რომ რომან შამათავასთვის ბრალის დამძიება პოლიტიკურად მოტივირებულია და ვერც იმას ვიტყვი, რომ არ არის. Dამისთვის დეტალური ინფორმაცია, საქმის მასალებია საჭირო, რომ განვსაზღვროთ პაატა ქარდავას საქმის გამოძიება რამდენად სწორად მიმდინარეობდა", _აცხადებს კოჟორიძე.
რაც შეეხება ,,ჯი-ეიჩ-ენის" შეკითხვას რამდენად სანდოა შსს ვერსია თავდაცვის სამინისტროს დაზვერვის ყოფილი ოფიცრის პაატა ქარდავას საქმის გახსნასთან დაკავშირებით პასუხობს:
,, მე ვერ გეტყვით რამდენად სანდოა, ან არ არის, ასეთი ტიპის განცხადებებს ვერ გავკეთებ. რაიმე ისეთი გარემოება რომ იყოს, რომ აშკრად უნდობლობას იწვევდეს ვერ ვიტყვი ამას", _განაცხადა კოჟორიძემ.
რაც შეხება იმას გეგმავს თუ არა საია პაატა ქარდავას საქმის მასალების გამოთხოვასა და შესწავლას კახა კოჟორიძე პასუხობს:
,, ჩვენ ჩვენი ინიციატივით ამ საქმით არ დავინტერესდებით, თუ არ გავრცელდება რაიმე ისეთი ინფორმაცია რაც ცალსახად მიუთითებს გამოძიების უხეშ დარღვევებზე. Aამ ეტაპზე რაიმე ისეთი ინფორმაცია, რაც ცალსახად კითხვის ნიშნის ქვეშ დააყენებს გამოძიების სანდოობას არ გავრცელებულა", -განაცხადა ,,ჯი-ეიჩ-ენთან" საუბრში კოჟორიძემ.
