იუნესკოს, იკომისა და იკომოსის გაერთიანებული მისიის ოფიციალური ვიზიტი საქართველოში დასრულდა. ამის შესახებ "ჯი-ეიჩ-ენს" საქართველოს კულტურული მემკვიდრეობის დაცვის ეროვნული სააგენტოდან აცნობეს. მათი ინფორმაციით, მისიის მიზანი იყო მცხეთის ისტორიული ძეგლების კონსერვაციის მდგომარეობის შეფასება და საქართველოს მსოფლიო მემკვიდრეობის ძეგლებზე გადაუდებელი ღონისძიებებისა და რეკომენდაციების განსაზღვრა.
მისიამ მცხეთის ისტორიულ ნაწილში მიმდინარე სამშენებლო სამუშაოი, სამთავროს ველის ინფრასრუქტურის სარეაბილიტაციო სამუშაო და მცხეთის მუზეუმში ახლად გახსნილი საინფორმაციო-შემეცნებითი ცენტრი მოინახულა. შეხვდა ადგილობრივი და რეგიონული ხელისუფლების წარმომადგენლებს, ასევე სვეტიცხოვლის, სამთავროსა და ჯვრის წინამძღვრებს.
მისიამ ასევე მოინახულა გელათის სამონასტრო კომპლექსი და ბაგრატის ტაძარი. ბაგრატის ტაძრის სარეაბილიტაციო პროქტის ავტორებმა და სამუშაო ჯგუფებმა საერთაშორისო ექსპერტებს წარუდგინეს და გააცნეს დეტალური ინფორმაცია ტაძარში მიმდინარე და განხორციელებული სამუშაოს შესახებ.
ერთი თვის განმავლობაში ექსპერტები რეკომენდაციებს შეიმუშავებენ და ოფიციალური ანგარიშის სახით წარუდგენენ მსოფლიო მემკვიდრეობის კომიტეტსა და საქართველოს მხარეს.
მისიის ოფიციალური მასპინძელი იყო კულტურული მემკვიდრეობის დაცვის ეროვნული სააგენტო. მისიის მონაწილეები იყვნენ ანა სიდორენკო-დულომი (მსოფლიო მემკვიდრეობის ცენტრი, იუნესკო), საიმონ ვარაკი, (იკრომი), ალკივიადეს პრეპისი, (იკომოსი).
ექსპერტთა ხუთდღიანი ვიზიტის ფარგლებში ოფიციალური შეხვედრები გაიმართა იუნესკოს ეროვნული კომისიისა და საგარეო საქმეთა სამინისტროს წარმომადგენლებთან და საქართველოს პატრიარქთან.
სამუშაო შეხვედრები და განხილვები შედგა საპატრიარქოს, ხელოვნებისა ხუროთმოძღვრების საბჭოსთან
