პუტინი დონბასს თუ მიიღებს, ის აუცილებლად გააგრძელებს მთელი უკრაინის დაპყრობას, – ამის შესახებ საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, კაია კალასმა ევროკავშირის საგარეო საქმეთა საბჭოს სხდომამდე მედიასთან განაცხადა.
მისი თქმით, სწორედ იმიტომ შეუერთდნენ ქვეყნებ ნატო-ს, რომ მათ არ უ ნდათ რუსეთი თავს დაესხას.
„უნდა გვახსოვდეს, თუ რატომ უნდათ ქვეყნებს ნატო-ში გაწევრიანება – რადგან მათ არ სურთ, რომ რუსეთი მათ თავს დაესხას. სწორედ ამიტომ შეუერთდნენ შვედეთი და ფინეთი ნატო-ს; სწორედ ამიტომ შეუერთდნენ ბალტიის ქვეყნები ნატო-ს, რათა ჰქონდეთ ეს თავდაცვითი ქოლგა. ახლა თუ ეს კითხვის ნიშნის ქვეშ დგას ან გამორიცხულია, მაშინ ჩვენ უნდა ვნახოთ, რა არის უსაფრთხოების ხელშესახები გარანტიები. ეს არ შეიძლება იყოს დოკუმენტები ან დაპირებები. ეს უნდა იყოს რეალური ჯარები, რეალური შესაძლებლობები, რათა უკრაინამ შეძლოს თავის დაცვა", - თქვა კალასმა.
მისი თქმით, დონბასი პუტინის საბოლოო მიზანი არ არის
„დონბასი პუტინის საბოლოო მიზანი არ არის. თუ ის დონბასს მიიღებს, ციხესიმაგრე დაინგრევა და შემდეგ აუცილებლად გააგრძელებს მთელი უკრაინის დაპყრონას. თუ უკრაინა დაეცემა, მაშინ სხვა რეგიონებიც საფრთხეში აღმოჩნდებიან. ჩვენ ეს ისტორიიდან ვიცით და ისტორიიდან უნდა ვისწავლოთ“, - აღნიშნა კალასმა.
