სიახლე ბათუმის მუნიციპალური ტრანსპორტის მომსახურებაში. ბათუმის მერიის ინფორმაციით, ავტობუსის მგზავრებს შესაძლებლობა ეძლევათ ისარგებლონ ახალი სერვისით - SMS-ის სახით მიიღონ ინფორმაცია კონკრეტულ გაჩერებაზე სამარშრუტო ავტობუსების მისვლის დროის შესახებ. ამისათვის საჭიროა ავკრიფოთ 32 + კონკრეტულ გაჩერებასთან განთავსებული ელექტრონული დაფის ნომერი, SMS-ით გავგზავნოთ ნომერზე 577 55 11 80, რის შემდეგაც, მივიღებთ ინფორმაციას გაჩერებაზე ავტობუსების მისვლის დროის შესახებ.
აღნიშნული სერვისი ინფორმაციის გაჩერებაზე მისვლამდე მიღების საშუალებას იძლევა.
მომსახურების ღირებულება ინდივიდუალურია მომხმარებლის მობილური ქსელის ტექსტური შეტყობინების ტარიფების შესაბამისად.
