პარლამენტის პირველი ვიცე-სპიკერი მიხეილ მაჭავარიანი პარტნიორ ქვეყნებს აფხაზეთში ჩატარებული ე. წ საპრეზიდენტო არჩევნების არალეგიტიმურად შეფასებისკენ მოუწოდებს.
თავად მაჭავარიანის შეფასებით, 12 დეკემბერს, აფხაზეთში ჩატარებული ე.წ. საპრეზიდენტო არჩევნები ცინიკური იყო და იმედს გამოთქვამს, რომ საერთაშორისო თანამეგობრობა აღნიშნულ საკითხთან დაკავშირებით მკვეთრ პოზიციას დააფიქსირებს და მას არალეგიტიმურად შეაფასებს.
"აფხაზეთიდან 300 ათასამდე ადამიანი გამოყარეს, სადაც ქართველების გარდა სხვა ეთნიკური წარმოშობის მოქალაქეებიც იყვნენ. ე.წ არჩევნები ცინიკური კამპანიაა, მას შემდეგ, რაც რუსეთმა სეპარატისტთა აღიარება განახორციელა", - განაცხადა მაჭავარიანმა პარლამენტის ბიუროს დღევანდელ სხდომაზე.