თუ ივანიშვილი დამირეკავს და დახმარებას მთხოვს, არა მხოლოდ დაველაპარაკები, არამედ თითო-თითოდ დავივლი აჯანყებულ დეპუტატებს და ვთხოვ პირადად, მიეცით ქვეყანას პროპორციული საარჩევნო სისტემა, - განაცხადა საქართველოს მე-4 პრეზიდენტმა გიორგი მარგველაშილმა ტელეკომპანია "პირველის" გადაცემა "რეაქციაში" ინგა გრიგოლიას შეკითხვაზე, ბიძინა ივანიშვილმა რომ დაურეკოს და დაბრუნება სთხოვოს, რას იზამდა.
"თუ ივანიშვილი დამირეკავს და მეტყვის, რომ ეს რა დაგვემართა, ვერ გავაოცეთ ევროპა დემოკრატიით და აბა, როგორ მივიღოთ კარგი საარჩევნო სისტემა და როგორ გადავიდეთ პროპორციულ სისტემაზე, არამარტო დაველაპარაკები, არამედ, იმ აჯანყებულ დეპუტატებს, ვინც ივანიშვილსაც უარი უთხრა, დასავლეთსაც უარი უთხრა, „ქართულ ოცნებასაც“ ზურგი შეაქცია და საერთოდ მსოფლიოს, ცივილიზაციის წინააღმდეგ წავიდნენ, თითო-თითოდ დავივლი და ვთხოვ პირადად - ნუ დაღუპავთ თქვენს თავს და ნუ დაღუპავთ ქვეყანას, მიეცით ქვეყანას პროპორციული საარჩევნო სისტემა“, - თქვა მარგველაშვილმა.