აშშ-ის წარმომადგენელთა პალატის სპიკერი ნენსი პელოსი ამბობს, რომ "ვერ წარმოუდგენია" დონალდ ტრამპის მეორე ვადით არჩევა პრეზიდენტად და დემოკრატიული პარტიის წევრებს გაერთიანებისკენ მოუწოდებს, რათა დაამარცხონ იგი ნოემბრის არჩევნებში.
"მე ვერ წარმომიდგენია სიტუაცია, როდესაც იგი ხელახლა შეიძლება იქნეს არჩეული", - თქვა პელოსიმ CNN-თან ინტერვიუში.
"მაგრამ თუ ჩვენ არ გავერთიანდებით, მაშინ არაფრის გარანტირება არ შეიძლება. როგორც არაერთხელ ვთქვი, ჩვენ გვაქვს საკუთარი ხედვა მომავლის შესახებ. ყველამ იცის, რომ ჩვენ უნდა ვიყოთ ერთიანნი, რომ იგი არ აირჩიონ მეორე ვადით.
ჩვენ უკეთეს მომავალს ვთავაზობთ ამერიკას და არჩევნებში აუცილებლად უნდა დავამარცხოთ ტრამპი, რომელიც არ იზიარებს მომავლის ხედვებს, რასაც ქვეყნის გაერთანება შეუძლია", - თქვა წარმომადგენელთა პალატის სპიკერმა.
ნენსი პელოსიმ ასევე ისაუბრა პრეზიდენტის ერისადმი მიმართვის ტექსტის დახევაზე და განაცხადა, რომ "ერთი გვერდი მაინც რომ ყოფილიყო ფალსიფიცირების გარეშე, მე მას არ დავხევდი.