მოსკოვში რუსი ოპოზიციონერი ალექსეი ნავალნი დააკავეს. იტყობინება რუსული სააგენტო "ტასი".
მედიის ცნობით, ნავალნის დაკავება სამართალდამცავების მიერ "კორუფციასთან ბრძოლის ფონდის" ჩხრეკის დროს მოხდა.
მანამდე, 9 ოქტომბერს, რუსეთის იუსტიციის სამინისტრომ ნავალნის მიერ დაფუძნებული "კორუფციასთან ბრძოლის ფონდი" უცხოელი აგენტების რეესტრში შეიყვანა.
ფონდის წინააღმდეგ საქმეც არის აღძრული. გამოძიების ინფორმაციით, ფონდი დაფინანსებას იღებს საზღვარგარეთიდან და ფულის გათეთრების საქმიანობას ეწევა.