საპარლამენტო უმრავლესობის ლიდერის, გია ვოლსკის თქმით, ვანო ზარდიაშვილმა საკუთარი გადაწყვეტილებით დატოვა დეპუტატის მანდატი და მმართველ გუნდს მის მიმართ არანაირი პრეტენზია არ გააჩნდა.
"ზარდიაშვილის მიმართ შავი პიარი მძლავრობდა, შეტევები საკმაოდ ხშირი იყო. ხშირ შემთხვევაში უზნეობასთან სიახლოვეს იყო. ოპონენტების შემოტევაზე გავლენა მოახდინა მისმა ეფექტურმა, საკმაოდ პრიფესიონალურმა მუშაობამ აუდიტის სამსახურის პერიოდში, სადაც კვალიფიციური დასკვნები დაიდო გადაცდომებზე, რომლებიც იმ ხელისუფლებას ახასიათებდა. რაც შეეხება შიდა საპარლამენტო დაპირისპირებებს, სამწუხაროა, მაგრამ პოლიტიკას ახასიათებს გარკვეული კახები, რომლებიც პოლიტიკურ ველზე ეს შეჩვეულ ჭირად იქცა", - ამბობს გია ვოლსკი.
ვანო ზარდიაშვილმა პარლამენტის დატოვების შესახებ განცხადება 7 ოქტომბერს გაავრცელა.