ვფიქრობ, ჯერ არ უნდა დატოვოს, რადგან ეს შეიძლება, იყოს არასწორი ინფორმაცია, ამიტომ დაველოდოთ გამოძიებას, - განაცხადა თბილისი მერმა, კახა კალაძემ საკრებულოს დეპუტატ ილია ჯიშკარიანზე, რომელსაც საკრებულოს თანამშრომელი, თამთა თოდაძე, სექსუალურ და ფიზიკურ ძალადობაში ადანაშაულებს.
„თუ მას დაუმტკიცდება, კანონის წინაშე უნდა აგოს პასუხი. ვფიქრობ, ჯერ არ უნდა დატოვოს, რადგან ეს შეიძლება, იყოს არასწორი ინფორმაცია, ამიტომ დაველოდოთ გამოძიებას. თუ მას დაუმტკიცდება და ასეთი რამე აქვს ჩადენილი, ჩემთვის როგორც კაცისთვის, ადამიანისთვის, ქალაქის მერისთვის, არის ძალიან მძიმე. თუ ეს დამტკიცდა, ამ შემთხვევაში კანონის წინაშე მოუწევს პასუხისგება“, – განაცხადა კახა კალაძემ.
ცნობისთვის, საკრებულოში „ქართული ოცნების“ დეპუტატი, ილია ჯიშკარიანი თანაშემწემ, თამთა თოდაძემ, სექსუალური ძალადობის მცდელობასა და ფიზიკურ ძალადობაში საჯაროდ პირველად 4 ოქტომბერს მთავარ არხთან ინტერვიუში დაადანაშაულა.
