ინგლისელი მათემატიკოსი, ლოგიკოსი, კრიპტოანალიტიკოსი და კომპიუტერული მეცნიერების დარგის მოღვაწე ალან ტურინგი იქნება გამოსახული ბრიტანულ 50 გირვანქა სტერლინგზე, რომელიც 2021 წლიდან შევა მიმოქცევაში. გადაწყვეტილება ამის შესახებ ცოტა ხნის წინ გაასაჯაროვა ინგლისის ბანკმა.
ინგლისის ეროვნული ბანკის ცნობით, ამ დროისთვის, მიმოქცევაში 344 მილიონი ცალი 50 გირვანქა სტერლინგი, რომელიც ჯამში 17,2 მლრდ-ს შეადგენს.
„ალანტურინგი იყო უდიდესი მათემატიკოსი, რომლის მოღვაწეობამაც გავლენა მოახდინა ჩვენს დღევანდელ ცხოვრებაზე. ფასდაუდებელია, მისი წვლილი, როგორც კომპიუტერულ მეცნიერებათა და ხელოვნური ინტელექტის დამფუძნებელი მამა, ასევე მეორე მსოფლიო ომის გმირი", - განაცხადა ინგლისის ბანკის წარმომადგენელმა.
აღსანიშნავია, რომ ინგლისის ბანკის ბანკნოტზე ალან ტურინიგის გამოსახვის გადაწტყვეტილება ერთპიროვნულად არ მიუღია. ბანკმა დახმარება საზოგადოებას სთხოვა და სპეციალური გამოკითხვა ჩაატარა.
გამოკითხვაში მონაწილეობა მიიღო დაახლოებით 230 ათასმა მოქალაქემ, რომელთაც ჯამში 989 მეცნიერი დაასახელეს. სპეციალურმა კომიტეტმა შეადგინა 20 მეცნიერის სია და წარუდგინა ბანკს განსახილველად.
საბოლოოდ, ინგლისის ეროვნული ბანკის გადაწყვეტილებით ბანკნოტზე გამოსასახად შეირჩა ალან ტურინგი.
ალან ტურინგი
ინგლისელი მათემატიკოსი, ლოგიკოსი, კრიპტოანალიტიკოსი და კომპიუტერული მეცნიერების დარგის მოღვაწე . კომპიუტერული მეცნიერების შექმნა და ჩამოყალიბება, ალგორითმების ძირითადი კონცეფციების ფორმალიზაცია, გამოთვლები ტიურინგის მანქანით და თანამედროვე კომპიუტერის შექმნაში უმნიშვნელოვანესი წვლილი - ეს არის ალან ტიურინგის ნაშრომთა არასრული ჩამონათვალი.
II მსოფლიო ომის პერიოდში ტიურინგი მუშაობდა დიდი ბრიტანეთის სახელმწიფო კრიპტოანალიკურ ცენტრში (Government Code and Cypher School at Bletchley Park). იმ დროისათვის იგი ხელმძღვანელობდა განყოფილება Hut 8-ს, რომელიც პასუხისმგებელი იყო გერმანული წყალქვეშა ნავების შიფროგრამების ანალიზზე.
შეიმუშავა ამ შიფროგრამების კრიპტოანალიზის რიგი აპარატული საშუალებები, მათ შორის ე.წ. Bombe, ელექტრომექანიკური მანქანა, რომელსაც შეეძლო გერმანული შიფრაციის აპარატის ენიგმას შიფრაციის პარამეტრების გამოთვლა.
ომის შემდგომ წლებში მუშაობდა ფიზიკის ეროვნულ ლაბორატორიაში, სადაც შექმნა თანამედროვე კომპიუტერის პირველი პროტოტიპის (ACE) არქიტექტურული დიზაინი.
