ანდრეა ბენედეტო, რომელიც სარდინიაში თავის ბოიფრენდთან შეუღლების შემდეგ თაფლობის თვეს ატარებდა, ზღვაში დახრჩობისგან, ცურვაში იტალიელმა ყოფილმა მსოფლიო ჩემპიონმა, ფილიპო მანგინიმ გადაარჩინა. ამის შესახებ BBC-ი წერს.
ფილიპო მანგინი 37 წლის ყოფილი სპორტსმენია, რომელიც შემთხვევის დროს სანაპიროზე მეგობარ გოგოსთან, ცნობილ იტალიელ ტელევარსკვლავთან, გიორგიო პალმასთან ერთად იმყოფებოდა. მოგვიანებით მოცურავე იხსენებს, რომ დახმარების შეძახილები გაიგონა. მანგინი დაუფიქრებლად ჩავიდა წყალში და დაზარალებულის თავს წყლის ზემოთ, მაშველების მოსვლამდე აკავებდა.
„უბრალოდ ის გავაკეთე რაც უნდა მექნა. მას დიდი რაოდენობით ჰქონდა ჩაყლაპული ზღვის წყალი და იყო ძალიან შეშინებული“,- აღნიშნა იტალიელმა სპორტსმენმა იტალიურ Corriere dello Sport- თან საუბარში.
ანდრეა ბენედეტო და მისი მეგობარი ბიჭი შემთხვევამდე ორი დღით ადრე დაქორწინდნენ. წყვილი მარტორქის ფორმის ტივტივაზე ზღვაში ცურავდა, რა დროსაც ბენედეტო წყალში ჩავარდა. ბენედეტომ მოგვიანებით გაიხსენა რომ წყალი ძალიან ცივი იყო, რის გამოც კიდურები გაეჭიმა და მოძრაობას ვერ ახერხებდა.
ანდრეა ბენდეტო თავს კარგად გრძნობს და მის ჯანმრთელობას საფრთხე არ ემუქრება.
შეგახსენებთ, რომ 37 წლის იტალიელი ფილიპო მანგინი 2005 წელს, კანადაში გამართულ ცურვის მსოფლიო ჩემპიონატზე ოქროს მედლის მფლობელია.