ჩვენს თავისუფლებას სჭირდება ჩვენი ქვეყნის შიგნით დამარცხება შავრაზმელი მოძალადეების და გარე საფრთხისგან დაცვა თავისუფალ სამყაროში სრულფასოვანი წევრობის, - განაცხადა ევროპული საქართველოს ერთ-ერთმა ლიდერმა გიგა ბოკერიამ ტელეკომპანია „პირველთან“ და აღნიშნა, რომ ივანიშვილმა, გახარიამ და ოცნებამ აირჩიეს ისტორიის არასწორი მხარე.
„ჩვენს თავისუფლებას სჭირდება ჩვენი ქვეყნის შიგნით დამარცხება შავრაზმელი მოძალადეების და გარე საფრთხისგან დაცვა თავისუფალ სამყაროში სრულფასოვანი წევრობის. ეს აერთიანებს ქვეყნის უდიდეს ნაწილს, ივანიშვილმა, გახარიამ და ოცნებამ აირჩია ისტორიის არასწორი მხარე“, - თქვა ბოკერიამ.
ბოკერია ეხმიანება რადიკალური ჯგუფების მოწოდებას, რომ საქართველომ რუსეთთან "პირდაპირი დიალოგი" უნდა აწარმოოს. ის ამბობს, რომ პირდაპირი დიალოგის მოწოდება არის ე.წ ევფემიზმი, ანუ კოდური სიტყვა არის, რომ უნდა გადავუხვიოთ ჩვენს საუკუნეობრივ არჩევანს - თავისუფალი სამყაროს, დასავლური სამყაროს წევრობას.
“დიალოგი მტერთან უნდა აწარმოო და ჟენევის ფორმატი, სადაც საერთაშორისო თანამეგობრობაცაა, არის ამის ადგილი, მაგრამ ჩვენთან პირდაპირი დიალოგის მოწოდება არის ე.წ ევფემიზმი, ანუ კოდური სიტყვა: უნდა გადავუხვიოთ ჩვენს საუკუნეობრივ არჩევანს - თავისუფალი სამყაროს, დასავლური სამყაროს წევრობას. ამას გულისხმობენ, კონტექსტი არის ძალიან მკაფიო და ეს ხრიკები არ გაუვათ. გახსოვთ ალბათ, 2008-ში გვეუბნებოდნენ, NATO-ში თუ მიგვიღებდნენ, მიგვიღებდნენ აფხაზეთის დათმობის ხარჯზე. მოგონილი აქვთ ასეთი ხრიკები და ვეღარ მოატყუებენ ხალხს. ჩვენს თავისუფლებას სჭირდება ჩვენი ქვეყნის შიგნით დამარცხება შავრაზმელი მოძალადეების და გარე საფრთხისგან დაცვა თავისუფალ სამყაროში სრულფასოვანი წევრობის. ეს აერთიანებს ქვეყნის უდიდეს ნაწილს, ივანიშვილმა, გახარიამ და ოცნებამ აირჩია ისტორიის არასწორი მხარე“, - თქვა ბოკერიამ.
