მსოფლიოში ლიდერმა საერთაშორისო კომპანია „პომა“- მ მაღალმთიან აჭარაში ახალი საბაგიროების მშენებლობის ინტერესი გამოთქვა.
აჭარის ფინანსთა და ეკონომიკის მინისტრ ჯაბა ფუტკარაძესთან შეხვედრაზე საუბარი კურორტ გოდერძზე და გომარდულში ახალი საბაგიროების მშენებლობას, ასევე სოფელ თაგოში არსებული საბაგირო გზის რეაბილიტაციის საკითხებს შეეხო.
უახლოეს პერიოდში კომპანიის მიერ ტექნიკური ჯგუფის აჭარაში ვიზიტი დაიგეგმება, რომლებიც აღნიშნულ პროექტებს ადგილზე შეისწავლიან.
წამყვანი ფრანგული კომპანიის წარმომადგენლებმა შეხვედრაზე აღნიშნეს, რომ საქართველოსთან თანამშრომლობის კარგი გამოცდილება აქვთ. უცხოელმა პარტნიორებმა არსებული საინვესტიციო გარემო დადებითად შეაფასეს და სამომავლოდ ერთობლივი პროექტების განხორციელების პერსპექტივებზე ისაუბრეს.
კომპანია „პომა“ საბაგირო გზების მშენებლობაში ლიდერი კომპანიაა, რომელსაც მსოფლიოს 8⃣0⃣ ქვეყანაში 8⃣0⃣0⃣0⃣-ზე მეტი პროექტი ეკუთვნის.
სამინისტროში გამართულ შეხვედრას მინისტრის მოადგილეები თორნიკე კუჭავა და არჩილ ვანაძე ესწრებოდნენ.