კომპანია Visa Inc.-მ (ნიუ-იორკის საფონდო ბირჟა: V) დღეს გამოაცხადა კომპანია Earthport-ის (AIM: EPO) მის საკუთრებაში გადასვლის შესახებ. ეს არის კომპანია, რომელიც უზრუნველყოფს ბანკებს შორის საერთაშორისო გადახდების მომსახურებას, თანხების გადარიცხვას პროვაიდერების და ბიზნესებისთვის, რაც ხორციელდება მსოფლიოს ყველაზე დიდი და დამოუკიდებელი ACH ქსელის მეშვეობით.
ამჟამად, Visa უზრუნველყოფს ბარათებიდან ბარათებზე გადახდების თავისუფლად განხორციელებას. ეს შესყიდვა საშუალებას მისცემს Visa-ს კლიენტებს საბანკო ანგარიშის გამოყენებით მსოფლიო მასშტაბით გადარიცხონ თანხა ინდივიდუალურ, ბიზნეს და სამთავრობო ანგარიშებზე. Earthport-ის შესყიდვით Visa იმედოვნებს, რომ მოიცავს მსოფლიოს საბანკო აქტივობებში ჩართული მოსახლეობის დიდ უმრავლესობას და საშუალებას მისცემს მათ მარტივად, სწრაფად და უსაფრთხოდ გადააადგილონ თანხები მსოფლიოს მასშტაბით.
დღიურად, მსოფლიოს მასშტაბით დაახლოებით 80 ტრილიონი ამერიკული დოლარი იგზავნება გადარიცხვის ან საბანკო ანგარიშებს შორის გადარიცხვის გზით. მაგრამ პროცესი მეტად რთული და კომპლექსურია ვიდრე უნდა იყოს. თანხის გადარიცხვას შეიძლება დღეები დასჭირდეს მოძველებული, არაეფექტური და ძვირადღირებული მეთოდების გამო.
ეს ტრანზაქცია გადაჭრის ბევრ პრობლემას, რომლებიც მათ შორის დაკავშირებულია ხელფასების გადახდასთან და ინდივიდუალურ პირებს და ბიზნესებს შორის საერთაშორისო გადარიცხვებთან. მაგალითისთვის ავიღოთ გლობალური ბაზარი, რომელიც აერთიანებს საერთაშორისო კონტრაქტორებს, რომელთათვისაც ანაზღაურება ხორციელდება ადგილობრივ ვალუტაში. დღეს, ასეთი გადახდების განსახორციელებლად კომპანიები იყენებენ არაეფექტურ, ძვირადღირებულ გარიცხვების სისტემას, რომელსაც თანხის ასახვისთვის დღეები სჭირდება. Visa-ს და Earthport-ის ერთობლივი ძალისხმევით, Visa-ს შეუძლია იყოს ასეთი გადახდების ერთი ქსელი, რომელიც საშუალებას მოგცემთ გადაუხადოთ კონტრაქტორებს და დასაქმებულებს მსოფლიოს მასშტაბით, სწრაფად და უსაფრთხოდ.
“Visa ახდენს ფულის გადარიცხვის მოდერნიზებას გადახდის და თანხის მიღების პროცესის დაჩქარების, უსაფრთხოების გაზრდის და გამარტივების გზით. Earthport-ის შესყიდვა ძალას მატებს Visa-ს, რითაც ვცდებით „ბარათის საზღვრებს“ და საშუალებას ვაძლევთ ჩვენს კლიენტებს გადახდა საბანკო ანგარიშებიდან განახორციელონ მსოფლიოს მასშტაბით“, განაცხადა ბილ შელიმ, Visa-ს გლობალური გადახდების ხელმძღვანელმა.
„Earthport“-ის ტექნოლოგია საშუალებას მისცემს Visa-ს გააფართოვოს და გაზარდოს Visa Direct-ის სწრაფად ზრდადი პორტფოლიო, რომელიც მოიცავს ხარჯების ანაზღაურებას, მხარეთა შორის გადახდების განხორციელებას, საზღვრებს მიღმა გადახდებს, საბაზრო გადახდებს და გადასახადების გადახდებს. ბოლო 12 თვის განმავლობაში, Visa Direct-ით განხორციელებული ტრანზაქციები იზრდება და კვლავ 100%-ს აჭარბებს- რაც მიუთითებს, რომ მსოფლიოს მასშტაბით მომხმარებლებში და ბიზნესში არსებობს უფრო სწრაფი, მოქნილი გადახდების მოთხოვნა.