კოლეგები დამემოწმებიან, რომ ეგ სიტყვა ცხოვრებაში არ მიხმარია - პარლამენტის თავმჯდომარე ირაკლი კობახიძე პარლამენტის პლენარულ სხდომაზე ბილწსიტყვაობას უარყოფს.
როგორც კობახიძემ პლენარულ სხდომაზე განაცხადა, ეს არის მცდარი ინფორმაცია, რომელიც ტელეკომპანია „რუსთავი 2“-მა გაავრცელა. პარლამენტის თავმჯდომარემ დეპუტატებს მოუწოდა, პლენარულ სხდომაზე მსგავს ტყუილებს ნუ ავრცელებენ.
„არის ტყუილი ინფორმაცია გავრცელებული, მსგავსი რამ მე არ მითქვამს. არის აბსოლუტური ტყუილი. ჩემი კოლეგები დამემოწმებიან, რომ ეგ სიტყვა ცხოვრებაში არ მიხმარია, განსხავებით ამ ტელევიზიის დირექტორისგან. ეს არის ტყუილი და ასეთ ტყუილებს ნუ ავრცელებთ თქვენ პლენარულ სხდომებზე, ეს არის ჩემი თხოვნა. ეს არის ტყუილი, რაც გავრცელდა, ეს არის ნიკა გვარამიას ხელწერა, ამ ტელევიზიის დირექტორის ხელწერა",- განაცხადა ირაკლი კობახიძემ.
შეგახსენებთ,რომ ტელეკომპანია რუსთავი 2-მა პარლამენტის სესიის ვიდეოჩანაწერში გაავრცელა, სადაც ისმის, სავარაუდოდ ორაკლი კობახიძის რეპლიკა, სადაც ის ანრი ოხანაშვილს მიმართავს.
ანრი ოხანაშვილი:
- ორის თხუთმეტ წუთზე შევიკრიბოთ, ჯობია..
ირაკლი კობახიძე:
- ყ..ზე დაიკიდე, ჩვეულებრივად გააგრძელე და ამათ მივხედოთ მერე!
ანრი ოხანაშვილი:
- კი, მაგრამ აზრი არ აქვს ამ ხმაურში...
ირაკლი კობახიძე:
- აბა, რა გავაკეთოთ?
ანრი ოხანაშვილი:
- ერთი საათი მიეცი დრო, ორი წუთი გავიდეთ გარეთ და დავილაპარაკოთ...
