რუსეთის პრეზიდენტმა და მისმა ამერიკელმა კოლეგამ, სატელეფონო საუბრისას აშშ-სა და ჩრდილოეთ კორეას შორის სამიტის იდეა განიხილეს. თუმცა, საუბარი იმაზე, რომ რუსეთმა აშშ-ს ამ შეხვედრისთვის საკუთარი ტერიტორია შესთავაზა, არ ყოფილა. განაცხადა ვლადიმერ პუტინის პრეს-მდივანმა დიმიტრი პესკოვმა.
„საუბარი იმაზე, რომ რუსეთმა შესთავაზა სამიტის გასამართად საკუთარი „მოედანი“ არ ყოფილა, მათ შორის არც სატელეფონო საუბრისას, თუმცა ამ თემას ისინი შეეხნენ, რადგან ეს ძალზე მნიშვნელოვანი საკითხია“ - განაცხადა პესკოვმა ჟურნალისტებთან.
ცნობისთვის მანამდე დონაპდ ტრამპი დათანხმდა შეხვედრილიყო ჩრდილოეთ კორესის ლიდერს, კიმ ჩენ ინს. თეთრ სახლში განაცხადეს, რომ სამიტი შესაძლოა 2018 წლის მაისის ბოლოს ჩატარდეს და შვედეთი არის ერთ-ერთი ქვეყანა, სადაც შესაძლოა ეს შეხვედრა გაიმართოს.
