„პოლიტიკის და მართვის კონსალტინგ ჯგუფი - PMCG“ „ვიშეგრადის საერთაშორისო ფონდი“-ს (International Visegrad Fund) მხარდაჭერით, 2-3 ივლისს, ორდღიან სამუშაო შეხვედრას, რომელიც ემსახურება ვიშეგრადის ქვეყნების გამოცდილების გაზიარებას საქართველოსა და მოლდოვას ევროკავშირთან დაახლოების პროცესში .
ღონისძიების მთავარ მიზანს წარმოადგენს ევროკავშირთან დაახლოების პროცესის, კერძოდ, ღრმა და ყოვლისმომცველი თავისუფალი სავაჭრო სივრცის შესახებ შეთანხმებასთან (DCFTA) დაკავშირებული ხარჯების, სარგებლის სიღრმისეული გააზრება და ხელშეკრულების პირობების დროული შესრულების ხელშეწყობა საქართველოსა და მოლდოვაში.
შეხვედრის ფარგლებში ვიშეგრადის ქვეყნები (პოლონეთი, ჩეხეთის რესპუბლიკა, სლოვაკეთი და უნგრეთი) გაუზიარებენ საქართველოს და მოლდოვას პოზიტიურ გამოცდილებას, რომელიც დააგროვეს საჯარო და კერძო სექტორს შორის ეფექტური დიალოგის შექმნის პროცესში.
სამუშაო შეხვედრაში მონაწილეობას მიიღებენ პროცესის საკვანძო მონაწილეები საქართველოდან, მოლდოვიდან და ვიშეგრადის ქვეყნებიდან, კერძოდ: მთავრობის მაღალი რანგის წარმომადგენლები, ბიზნეს ასოციაციები, ექსპერტები და პრაქტიკოსები, ისევე როგორც საერთაშორისო ორგანიზაციები და დონორები (EBRD, EIB, WB, IFC, EU და სხვ.)
ცენტრალური ევროპის ქვეყნების გამოცდილების გაზიარება, საშუალებას მისცემს საქართველოს და მოლდოვას უფრო ეფექტურად წარმართოს ევროპასთან დაახლოების პროცესი. ხელს შეუწყობს
სახელმწიფოს მხრიდან ისეთი პოლიტიკის გატარებას, რომელიც მცირე და საშუალო ბიზნესს დაეხმარება იყოს კონკურენტული ევროპულ ბაზარზე.
მნიშვნელოვანია, რომ ბიზნეს სექტორი იყოს ინფორმირებული ყველა იმ სარგებელის და პროცედურის შესახებ, რომელიც დაეხმარება მას ევროპის 500 მილიონიან ბაზარზე შესვლაში.
მეორეს მხრივ, დიალოგი საზოგადოებას მისცემს საშუალებას, ჰქონდეს ამომწურავი ინფორმაცია ყველა იმ სარგებლის შესახებ, რომელსაც სთავაზობს ასოცირების ხელშეკრულება.
მაქსიმალური ეფექტიანობის უზრუნველსაყოფად, პროექტის მეორე სამუშაო შეხვედრა განხორციელდება მოლდოვაში, კიშინიოვში 2015 წლის 21-23 ოქტომბერს.