ლესოთოს პრემიერ-მინისტრის ცოლს მაესაია ტაბანეს ბრალი ედება მისი მეუღლის ყოფილი ცოლის მკვლელობაში. იტყობინება BBC-ი.
სასამართლომ 42 წლის მაესაია ტაბანეს დაკავების ორდერი მას შემდეგ გასცა, რაც ის მოულოდნელად გაუჩინარდა.
მაესაია ტაბანე სამხრეთ აფრიკის საზღვართან დააკავეს პოლიციელებმა, როდესაც ის მიმალვას ცდილობდა.
პოლიციის კომისარმა ჰოლომო მოლიბელმა განაცხადა, რომ პირველი ლედი პატიმრობაში იმყოფება და ოთხშაბათს მას ბრალს ოფიციალურად წაუყენებენ.
მკვლელობის გახმაურებულ საქმესთან დაკავშირებით, პოლიციაში გამოიკითხება ლესოთოს პრემიერ-მინისტრი თომას ტაბანეც.
პრემიერის ყოფილი მეუღლე ლიპოლელო ტაბანე ლესოთოს დედაქალაქ მასარუში, საკუთარი სახლის წინ 2017 წელს მოკლეს, თომას ტაბანეს ინაუგურაციამდე ორი დღით ადრე.
იმ დროისთვის, ტაბანეების წყვილი განქორწინების პროცესშ იმყოფებოდა.