"ქართული ოცნება" და "ნაციონალური მოძრაობა" - ორი უპასუხისმგებლო პოლიტიკური პარტია, წერს facebook-ის პირად გვერდზე დამოუკიდებელი დეპუტატი ლევან კობერიძე, რომელიც პარლამენტში თავის დროზე სწორედ, რომ "ქართული ოცნების" კვოტით მოხვდა.
"არცერთს არ აინტერესებს ქვეყანა და ხალხი.. პირველი ხელისუფლების ხელიდან არგასაშვებად, მეორე მის დასათრევად ყველაფერს კადრულობს... ორივეს აწყობს ორპოლუსიანობა და სწორედ ის, რაც დღეს ხდება ახლა პარლამენტის გარშემო.. ორივეს აწყობს ვადამდელი არჩევნები ამ დაპირისპირების ფონზე... საღი აზრი არის იგნორირებული ... ეს ორი პარტია ერთმანეთს კვებას და ხალხს თვალში ნაცარს აყრის.. ეკონომიკა, ლარი და ადამიანების ბედი აღარავის ახსოვს... სანამ არ მოვიშორებთ ბოლომდე ნაცებს, ვერც ოცნებას მოიშორებს ქვეყანა ვერც პროპორციულით, ვერც გერმანული და ვერც შერეული არჩევნების სისტემით.
- სასწრაფოდ მესამე პოლიტიკური ცენტრია საჭირო და აუცილებლად შეიქმნება!", წერს ლევან კობერიძე.