ერთი მევახშე ივანიშვილი არ გვეყო, რომ ახლა კიდევ ვიღაც უფრო წვრილი მევახშეები დაემატოს ერთი მევახშის ბატონობის მერვე წლისთავზე? - ასე გამოეხმაურა საქართველოს ყოფილი პრეზიდენტი მიხეილ სააკაშვილი მამუკა ხაზარაძის მიერ ახალი საზოგადოებრივი მოძრაობის დაფუძნების საკითხს.
სააკაშვილის თქმით, საქართველო დაუბრუნდება სწრაფ განვითარებას „მევახშეებისა და კრიალოსნიანი ბიჭების მმართველობის გარეშე“.
„მართლა ხომ არ ბნელა? ერთი მევახშე ივანიშვილი არ გვეყო რომ ახლა კიდევ უფრო წვრილი მევახშეები დაემატოს ერთი მევახშის ბატონობის მერვე წლისთავზე? მართლა სულელები ხომ არ გგონიათ თქვენ ქართველები და მართლა ხომ არ გგონიათ, რომ ყველაფერს მოისმენენ. საქართველო დაუბრუნდება სწრაფ განვითარებას მევახშეების და კრიალოსნიანი ბიჭების მმართველობის გარეშე, ბიზნესი საქართველოში იქნება დაცული, საქართველოში შემოვა 10 მილიარდი დოლარის ინვესტიცია, საქართველო იქნება ერთი გადასახადის ქვეყანა, საქართველო იქნება სწრაფი განვითარების ქვეყანა და საქართველოში, რა თქმა უნდა, იქნება ლაზიკის პორტი. ამას მე გეუბნებით, მიხეილ სააკაშვილი, რომელსაც არცერთ დაპირებაში არ მოუტყუებიხართ და ყველაფერი შევასრულე და ამათი დრო წავა. ამათი, ან მეორე მევახშეების დრო არასდროს დადგება. საქართველოში უნდა გათენდეს“, – განაცხადა მიხეილ სააკაშვილმა.