პირველ ტურში, რომელიც 17 იანვარს გაიმართა, ტიმოშენკომ და იანუკოვიჩმა ამომრჩეველთა ხმების ყველაზე მეტი რაოდენობა დააგროვეს.

უკრაინის საპრეზიდენტო არჩევნების პირველ ტურში 18 კანდიდატი იყრიდა კენჭს.

პრეზიდენტობის კანდიდატს ვიქტორ იანუკოვიჩს ხმა ამომარჩეველთა 35,36 % მისცა, იულია ტიმოშენკოს კი 25,04 %. სერგეი ტიგიპკომ ხმათა 13,05 % მიიღო, არსენ იაცენიუკმა 6,95 %, ვიქტორ იუშჩენკომ 5,45 %, პეტრე სიმონენკომ 3,55 %, ვლადიმერ ლიტვინმა 2,35 %, ოლეგ ტიაგნიბოკამ 1,45 %, ანატოლი გრიცენკომ 1,2 %.

უკრაინის პრეზიდენტობის დანარჩენმა 9 კანდიდატმა 1% -ზე ნაკლები ხმა მიიღო. არც ერთ კანდიდატს ხმა უკრაინელი ამომრჩევლების 2,2 % არ მისცა. მოსახლეობის აქტივობამ, ბოლო მონაცემებით 67 % შეადგინა.

17 იანვარს გამართული არჩევნების შემდეგ უცხოელმა დამკვირვებლებმა განაცხადეს, რომ უკრაინის საპრეზიდენტო არჩევნების პირველი ტური, საერთო ჯამში, ყველა საერთაშორისო სტანდარტს აკმაყოფილებდა.

ვაშინგტონმა უკრაინის საპრეზიდენტო არჩევნებს პირველ ტურს მაღალ შეფასება მისცა.
მარკ ტონერის თქმით, უკრაინის არჩევნები ქვეყანაში დემოკრატიის განვითარების მნიშვნელოვანი დემონსტრაცია იყო.
ამასთან, აშშ-მ იმედი გამოთქვა, რომ არჩევნების მეორე ტურიც წარმატებით ჩატარდება.
"აშშ მოელის, რომ უკრაინა 7 თებერვალს არჩევნების მეორე ტურსაც ასევე წარმატებით ჩაატარებს. ჩვენ ასევე მოველით თანამშრომლობას ახალ პრეზიდენტთან, რომელსაც უკრაინელები აირჩევენ", - განაცხადა ტეთრი სახლის ადმინისტრაციამ.

საერთაშორისო რესპუბლიკური ინსტიტუტის დელეგაციამ უკრაინაში ჩატარებულ საპრეზიდენტო არჩევნებს დადებითი შეფასება მისცა და განაცხადა, რომ არჩევნების ჩატარება დემოკრატიისკენ და დემოკრატიული ინსტიტუტების განვითარებისთვის გადადგმული კიდევ ერთი ნაბიჯია.

"საერთო ჯამში, არჩევნები საერთაშორისო სტანდარტებს შეესაბამებოდა. მას შემდეგ რაც მე თავად ვადევნებდი თვალს უკრაინაში ჩატარებულ საპრეზიდენტო არჩევნებს შემიძლია განვაცხადო, რომ უკრაინამ დემოკრატიისაკენ კიდევ ერთი ნაბიჯი გადადგა", _ განაცხადა საერთაშორისო რესპუბლიკური ინსტიტუტის დელეგაციის ხელმძღვანელმა, აშშ-ის ყოფილმა კონგრესმენმა ჯიმ კოლბიმ.

იმის შესახებ, რომ უკრაინაში ჩატარებული საპრეზიდენტო არჩევნები საერთაშორისო სტანდარტების უმრავლესობას შეესაბამებოდა, განცხადება ეუთოს დამკვირვებლებმაც გააკეთეს.
ეუთოს ოფიციალურ ვებგვერდზე გამოქვეყნებულ განცხადებაში ნათქვამია, რომ უკრაინაში ჩატარებული საპრეზიდენტო არჩევნები პირველი ტური მაღალი ხარისხით ჩატარდა და მან მნიშვნელოვანი პროგრესი აჩვენა წინათ ჩატარებულ არჩევნებთან შედარებით. უკრაინაში ჩატარებული საპრეზიდენტო არჩევნები ეუთოსა და ევროსაბჭოს მოთხოვნათა უმრავლესობის შესაბამისად ჩატარდა.

საერთაშორისო დამკვირვებლებმა უკრაინაში ჩატარებული საპრეზიდენტო არჩევნებზე ხმი მიცემის პროცედურაც და ხმის დათვლის პროცედურაც დადებითად შეაფასეს.