პარლამენტში ბიზნესსაბჭოს სხდომა მიმდინარეობს. საბჭოს შეკრებას ბიზნეს გაერთიანებების წარმომადგენლებთან ერთად, პარლამენტის წევრები და ბიზნეს ომბუცმენიც ესწრება.
ბიზნეს ომბუცმენის გიორგი პერტაიას თქმით, მნიშვნელოვანია, რომ ბიზნეს საკანონმდებლო ორგანოსთან მჭიდრო კავშირი ქონდეს.
"მნიშვნელოვანია რომ ბიზნესი კანონშემოქმედებით საქმიანობაში მაქსიმალურად იყოს ჩართული. რაც უფრო მჭიდრო კავშირში იქნება ბიზნესი პარლამენტთან და მთავრობასთან ეს კარგია როგორც მთავრობისთვის ასევე ბიზნესისთვის. მნიშვნელოვანია, რომ ბიზნესის აზრი გავითვალისწინოთ, რადგანაც ბიზნესმა უფრო კარგად იცის რა პრობლემები აქვს", _ განაცხადა გიორგი პერტაიამ.
ბიზნესასოციაციის ვიცე-პრეზიდენტი გიორგი ისაკაძე ამბობ, რომ პირადად ის ბიზნესსაბჭოს შეხვედრაზე მცირე და საშუალო ბიზნესის მხარდაჭერის საკითხს დააყენებს.
"ჩემი მხრიდან დაისმება საკითხი, რათა მცირე და საშუალო ბიზნესის მხარდაჭერა მაქსიმალურად დღისწესრიგში ჩაიდოს. სასურველია რომ ასეთი შეხვედრები უფრო სისტემატიურადაც მოეწყოს"- განაცხადა გიორგი ისაკაძემ.
საპარლამენტო უმცირესობის წარმომადგენელი გიორგი თარგამაძე მიიჩნევს, რომ ქვეყანაში სოციალური სტაბილურობის მთავარი წინაპირობა მცირე და საშუალო ბიზნესის ხელშეწყობა და განვითარებაა.
"საქართველოში ბიზნესის წარამატება დამოკიდებული არ უნდა იყოს მთავრობისადმი ლოიალურ დამოკიდებულებაზე არამედ დამოკიდებული უნდა იყოს კანონისა და სახელმწიფოსადმი ლოიალობაზე. ქვეყანაში სოციალური წარმატების შენარჩუნების მთავარი წინაპირობაა არა მხოლოდ მსხვილი ბიზნესის ხელშეწყობა, ასევე მცირე და საშუალო ბიზნესის განვითარება", - აღნიშნა დეპუტატმა.
მისივე თქმით, სწორედ მცირე და საშუალო ბიზნესი იქნება სამუშაო ადგილები და ხელისუფლებამ, მის განვითარებაზე და ხელშეწყობაზე უნდა იზრუნონ. შეგახსენებთ, რომ პარლამენტში ბიზნესსაბჭო დაახლოებით ერთი თვის წინ შეიქმნა, რომლის თავმჯდომარეც პარლამენტის სპიკერი დავით ბაქრაძეა, ხოლო მისი მადგილე საფინანსო საბიუჯეტო კომიტეტის თავმჯდმარე ზურაბ მელიქიშვილი. ბიზნესის წარმომადგენლების გარდა, საბჭოშო ძირითადად კომიტეტების წევრები შედიან, ხოლო საპარლამენტო ოპოზიციიდან გიორგი თარგამაძე და გურამ ჩახვაძე.