ქართულ ბაზარზე დაახლოებით, 10 ათასი დოლარის ღირებულების ტელევიზორი გამოჩნდება, რომელიც მხოლოდ "Aray Tomorrow"-ის მაღაზიათა ქსელში გაიყიდება.
"Aray Tomorrow"-ის მენეჯმენტი აცხადებს, რომ LG-ის 183 სმ-ის (72 ინჩი) დიაგონალის FULL LED 3D ტელევიზორი ქართულ ბაზარზე 2 თვეში შემოვა. კომპანიაში ამბობენ, რომ მიუხედავად იმისა, რომ ტელევიზორი საკმაოდ ძვირადღირებულია, ქართველი მომხმარებელი მას მაინც შეიძენს.
"მე ამას რისკს ვერ დავარქმევდი, რადგანაც საქართველოში იყიდება ვისკი, რომლის ღირებულებაც 7 ათასი ლარია. აქედან გამომდინარე, მსოფლიოში ყველაზე დიდი ტელევიზორი, 10 ათასი დოლარის ღირებულებისაც კი მე მგონი არ არის ცუდი ფასი და მას ქართველი მომხმარებელი ჩვეულებრივად მიიღებს. თუმცა დროთა განმავლპობაში მისი ფასი სინქრონულად დაიწევს და ყველა სოციალური ფენისთვის იქნება მისაღები"- განაცხადა "Aray Tomorrow"-ის მარკეტინგის მენეჯერმა ალეკო აკოფიანმა.
"Aray Tomorrow"-ის მარკეტინგის მენეჯერი აცხადებს, რომ LG-ის უახლესი გამოგონებას წარმოადგენს მსოფლიოში ყველაზე დიდი, 183 სმ-ის (72 ინჩი) დიაგონალის FULL LED 3D - ტელევიზორი, განსხვავებული დიდი ეკრანის ზომით, ბუნებრივად სუფთა და მრავალფეროვანი ფერებით, რომლის გამოსახულებაც ისეთი მიმზიდველია, როგორიც აქამდე არასდროს ყოფილა.
LG FULL LED 3D ტელევიზორი LG-ის უახლესი ტექნოლოგითაა აღჭურვილი, რომელიც მისი ინტერნეტთან მიერთების საშუალებას იძლევა, ეს კი შესაძლებელს ხდის მომხმარებელმა მარტივად მიიღოს ინფორმაცია მოგზაურობის, ჯანმრთელობისა და სხვა საინტერესო თემების შესახებ. მაყურებლებს ასევე შეუძლიათ ისარგებლონ YouTube-ისა და Google Free Web Photo სერვისებით.