2011 წელს ივანე ჯავახიშვილის სახელობის თბილისის უნივერსიტეტის ე. წ. მაღლივ კორპუსთან მეტროსადგური აშენდება. ამის შესახებ პარლამენტის დღევანდელ რიგგარეშე სხდომაზე ფინანსთა მინისტრმა კახა ბაინდურაშვილმა 2011 წლის სახელმწიფო ბიუჯეტის პროექტის წარდგენისას განაცხადა.
"მაღლივ კორპუსთან მეტროს გაყვანა იგეგმება, რაც სტუდენტებისთვის მნიშვნელოვანი სიახლე იქნება", - დასძინა მინისტრმა.
შეგახსენებთ, რომ პარლამენტი სახელმწიფო ბიუჯეტის პროექტს კენჭს დღეს უყრის.
