ჩეხეთის პრემიერ მინისტრის ანდრეი ბაბიშის თქმით, იერუსალიმში დაგეგმილი ვიშეგრადის ჯგუფის ქვეყნების შეხვედრა გაუქმდა.
ანდრეი ბაბიშმა დასძინა, რომ ვიშეგრადის ჯგუფის ქვეყნების სამიტი სავარაუდოდ მოგვიანებით, წლის ბოლომდე ჩატარდება, თუმცა მანამდე მხარეები დიალოგს ცალ-ცალკე გამართავენ.
ვიშეგრადის სამიტის გაუქმების საფუძველი, პოლონეთის პრემიერ მინისტრის მათეუშ მორავეცკის მიერ ისრაელში დაგეგმილი ვიზიტის გაუქმება გახდა, რაც თავის მხრივ, განპირობებული იყო ისრაელის პრემიერ-მინისტრის, ბენიამინ ნეთანიაჰუს განცხადებით ჰოლოკოსტში პოლონეთის როლის შესახებ.
გასულ კვირას, ვარშავაში გამართული ახლო აღმოსავლეთის საკითხებზე გამართულ სამიტზე, ნეთანიაჰუმ განაცხადა, რომ პოლონელები ჰოლოკოსტის დროს გერმანელებთან თანამშრომლობდნენ, რამაც პოლონელთა სამართლიანი აღშფოთება გამოიწვია.