თელავში, აღმაშენებლის გამზირზე, დაპირისპირების შედეგად სამი ახალგაზრდა დაიჭრა. დაშავებულებს ჭრილობები ქვედა კიდურებზე აქვთ მიყენებული - მათ შორის ერთი თელავის დედათა მონასტრის წინამძღვრის, მამა გენადის შვილი, გიორგი გოგილაშვილია.
ინციდენტის შემდეგ, სამივე მათგანი საავადმყოფოში გადაიყვანეს - ორს სასწრაფო ოპერაცია ჩაუტარდა.
შემთხვევა ცხოველური ნარჩენების გადამამუშავებელი კომპანიის ოფისში მოხდა. ინციდენტს წინ სიტყვიერი და ფიზიკური დაპირისპირება უძღვოდა, რის შემდეგაც, სავარაუდო თავდამსხმელმა ავტომატიდან რამდენიმეჯერ გაისროლა.